Социаль челтәрләрдә күңелгә үтеп керә торган видео таралды. Чаллы эшмәкәре Рөстәм Гатин Лисичанскида укырга баручы балаларны туктатып, аларга безнең әбиләр бәйләп җибәргән йон носкилар өләшә.
«Килегез, носкилар алыгыз әле. Безнең әби-апаларыбыз бу носкиларны сезгә тапшыру өчен бәйләде. Кырыенда тәмле шоколады да бар», – дип өләшә носкиларны Рөстәм Гатин. Эшмәкәр укучыларның абый-апалары, эне-сеңелләренә дә өлеш чыгара. «Авырмагыз, җылы носкиларны киеп йөрегез», – дип киңәш итә.
Рөстәм Гатин – сукбайлыкта йөрүче кешеләр өчен Чаллыда «Приют человека» хәйрия проектын оештырган кеше. Әлеге проект шәһәрдә уңышлы эшләп килә. Бүгенге көндә аның командасы, кыр кухнясы ярдәмендә, Лисичанскидагы җирле халыкны да кайнар ризык белән тәэмин итә.