Йомырка тәбәсе классик иртәнге аш санала. Аны пешерүнең өч сере киңәшләр сайтында чыкты.
Болгатып пешерелгән йомырка тәбәсе матур булсын өчен, йомырканы болгатканда, бераз гына кукуруз крахмалы кушып җибәрегез. Ул тәбәне сырлы крем кебек итәр.
Таба сыйфатлы булырга тиеш. Шул очракта гына тәбә тәмле һәм матур булып пешә. Оста хуҗабикәләр тәбәне чуен табада пешерә.
Йомырка пешергән чакта температура да мөһим. Йомыркалар үзләре бүлмә температурасында булырга тиеш. Юкса идеаль тәбә килеп чыкмый.
Табаны тиешенчә кыздырып кына кулланыгыз. Әгәр таба салкын булса, тәбә дә тигез пешми, диелә хәбәрдә.