«Йокыгыз туямы?» – Эльмира Гыйльфанова бәби үстерү турындагы сорауларга җавап биргән

Җырчы Эльмира Гыйльфанова сторисларында укучыларын кызыксындырган әни булу, бәби үстерү турындагы сорауларга җавап биргән.

«Әни булу ничек сезгә? Йокыгыз туямы? Балага күкрәк сөте ашатасызмы?» – дип сораган беренче укучысы.

«Иң тылсымлы хис-тойгылар. Йокыга зарланмыйм, гадәттәгечә йоклыйм. Көндез болай да йокламый идем. Әйе, Хәят кызыбыз күкрәк сөте ашый», – дигән җырчы. 

Әле беренче бәбиләрен генә көтеп алган Җәләлиевлардан: «Өченчесен кайчан алып кайтасыз?» – дип тә сораган берсе. «Сез икенчесен алып кайткач», – дип шаян җавап кайтарган аңа Эльмира.

Һәм бик күпләрне җырчыларның кызларына ни өчен нәкъ менә «Хәят» дигән исем кушулары кызыксындырган. 

«Бездә исемнәр китабы бар. Шуннан карадык, мәгънәле исем булсын, дидек. Хәят «тормыш» дигәнне аңлата», – дип язган яшь әни.