Җырчы Лилия Хәйруллина шәхси тормышы турында сөйләргә яратмый. Башкалардан аермалы буларак, ул социаль челтәрләрдә гаиләсен күрсәтми. Тамашачысы аның бары 3 бала әнисе булуын гына белә.
Шушы көннәрдә Лилия шәхси аккаунтында ниндидер бер ир-ат кочагында төшкән сурәте белән уртаклашкан. Бу кеше җырчының иредерме, юктырмы – билгесез. Артист үзе фотоны берничек тә шәрехләмәгән.
Ә Лилиянең виртуаль дуслары арасында: «Ә мин белә идем», «Интрига чишелде», – дип, нәтиҗә ясаучылар булган.
«Сергей Зверевның яшь чагына охшаган бу кеше», «Әйт инде, кем ул?» – дип язучылар да бар.
Фото: Лилия Хәйруллинаның социаль челтәрдәге сәхифәсеннән
