Интертаттан һава торышы һәм Ай календаре: 11 октябрьдә бакчада нинди эшләр башкарырга ярый

11 октябрь. Татарстанда аязучан болытлы һава. Төнлә явым-төшемнәрсез. Иртән һәм көндез урыны белән аз гына яңгыр. Җил көняк-көнчыгыштан, көньяк-көнбатышка юнәлешен үзгәртүчән, талгын. Төнлә һава температурасы  0..+5˚, көндез +6..+11˚, көнчыгыш районнарда +14˚ градус. 

11 октябрь.

Кимүче ай. Ай кысла йолдызлыгында.

Яшелчә бакчасы

Бүлмә шартларында теләсә нинди орлыкларны чәчәргә мөмкин. Бүлмә шартларында үсүче үсемлек корткычларына каршы көрәш. Җиргә туң төшкәч, яшелчәләр һәм салкынга чыдам берьеллык чәчәкләрне утырту.

Чәчәк түтәле

Чәчәкләрне һәм декоратив үсемлекләрне чырышы ботаклары белән каплау. Ылыслы агачларны бәйләү. Бүлмә гөлләрен ашлау, корткычларга каршы көрәш. Җиргә туң төшкәч, салкынга чыдам, берьеллык чәчәкәләр утырту.

Җиләк-җимеш бакчасы

Җимеш бирүче агачларның ботакларын кисәргә мөмкин. Агачларда корткычларның ояларын юк итү. Алма һәм грушаларны консервацияләү һәм киптерү.