Интертаттан һава торышы һәм Ай календаре: 1 ноябрьдә бакчада нинди эшләр башкарырга ярый

1 ноябрь. Татарстанда болытлы һава. Яңгыр һәм юеш кар явуы көтелә. Җил көньяк-көнбатыштан, көчле, секундына 18-23 метр тизлектә исәргә мөмкин. Төнлә һәм көндез һава температурасы  0..+5˚ градус. 

1 ноябрь
Үсеш алучы ай. Ай балык йолдызлыгында.

Яшелчә бакчасы

Яшел кыяк алу өчен бүлмә шартларында суган, сарымсак утырту (яшел кыяк өчен сарымсак утырту өчен иң уңышлы көннәр). 

Чәчәк түтәле

Бүлмә гөлләрен кисү катгый тыела. Тәрәзә төбендә үсә торган яшел үлән орлыкларын чәчү. Бүлмә шартларында суган, сарымсак утырту. Бүлмә гөлләрен ашлау. 

Җиләк-җимеш бакчасы

Агачларны һәм куакларны кисү катгый тыела. Кимерүчеләргә каршы капканнар кую, үсемлек калдыкларыннан, чүп-чарлардан арыну.