Интертаттан 9 июньгә һава торышы һәм ай календаре

9 июнь. Татарстанда алмашынучан болытлы һава. Күпчелек районнарда яңгыр, яшенле яңгыр явачак. Җил көньяк-көнбатыштан, юнәлешен төньяк-көнбатышка үзгәртүчән, уртача тизлектә, урыны белән 15 метр тизлектә исәргә мөмкин. Төнлә һава температурасы +6..+11˚, көндез +11..+16˚ градус. 

9 июнь.
Кимүче Ай. Ай кучкар йолдызлыгында. 

Яшелчә бакчасы
Җылы яратучы культураларга үсеш стимуляторлары сибү. Томат, борыч, баклажан, кыяр, кабак, ташкабак, патиссон, физалис, кәбестәгә ашламалар кертү. Помидорларның артык сабаклар йолку. Иртә утыртылган бәрәңге төпләре өяргә була. Шытымнарны сирәкләү. Компост әзерләү. 

Чәчәк түтәле
Туфракны йомшарту өчен уңай вакыт. Шытымнарны сирәкләү.

Җиләк-җимеш бакчасы
Җимеш агачларын формалаштыру өчен сабакларын кисү.