Интертаттан 3 апрельгә һава торышы һәм ай календаре

3 апрель. Татарстанда алмашынучан болытлы һава. Явым-төшемнәрсез. Җил көньяк-көнчыгыштан, талгын, урыны белән 16 метр тизлектә исәргә мөмкин. Төнлә һава температурасы -1..-6˚, көндез  +2..+7˚ градус. Юлларда бозлавык. 

3 апрель. 

Кимүче ай. Ай чаян йолдызлыгында.

Яшелчә бакчасы 
Рассаданы органик ашламалар белән тукландыру. Ташкабак, кабак, кыяр орлыкларын суда җебетергә һәм теплицага утыртырга мөмкин. Чәчәк кәбестәне көз көне куллану өчен рассадага утырту.   

Чәчәк түтәле 
Бүлмә гөлләрен һәм чәчәк рассадаларын органик ашламалар белән тукландыру. Яз көне әлеге йолдызлык билгесе астында үсемлекләрне кисү тыела. Чәчәк рассадаларын күчереп утырту өчен уңай вакыт. Туфракны көпшәләндерү. Бегониянең бүлбеләрен чүлмәкләргә утыртырга була. Бүлмә гөлләрен күчереп утырту.  
 
Җиләк-җимеш бакчасы 
Яз көне әлеге йолдызлык билгесе астында агач һәм куакларны санитар кисү тыела. Кура җиләге, карлыган, крыжовник, зелпе, миләш, шулай ук роза утырту өчен уңай вакыт. Туфракны көпшәләндерү, компостлау.