Интертаттан 24 майга һава торышы һәм ай календаре

Татарстанда алмашынучан болытлы һава. Урыны белән яшенле яңгыр. Төнлә һәм иртән кайбер районнарда томан төшүе ихтимал. Җил көньяк-көнбатыштан, көндез юнәлешен төньяк-көнчыгышка үзгәртүчән, акрын тизлектә; яшен вакытында 15-20 тизлектә исәргә мөмкин. Төнлә һава температурасы +10..+15˚; көндез +19..+24˚ .

24 май

Үсеш алучы ай. Ай Үлчәү  йолдызлыгында.

Яшелчә бакчасы – кабак, ташкабак, кыяр орлыкларын бүрттерергә һәм ачык туфракка утыртырга мөмкин. Шулай ук фасоль, борчак та утыртырга вакыт.

Чәчәк түтәле – күпьеллык чәчәкләрне күчереп утырту өчен уңай вакыт.

Җиләк-җимеш бакчасы – җиләк-җимеш куаклары утырту өчен кулай көн.