Интертаттан 2 сентябрьга һава торышы һәм ай календаре

2 сентябрь. Татарстанда алмашынучан болытлы һава. Төнлә күпчелек районнарда, ә көндез урыны белән кыска вакытлы яңгыр көтелә. Төнлә һәм иртән томан төшәчәк. Төнлә һава температурасы +9..+14º; көндез;+19..+24º градус

2 сентябрь
Кимүче ай. Ай Игезәкләр йолдызлыгында

Яшелчә бакчасы

Бүген утырту һәм күчереп утырту эшләре башкармаска киңәш ителә. Чүп үләннәрен утау һәм корткычларга, авыруларга каршы эшкәртү зарур. Бәрәңге, кишер, чөгендер, ачы торманы саклау өчен җыеп алырга.

Чәчәк түтәле

Кышламаучы күпьеллык чәчәкләрне казып алу эшләрен башкарырга була.

Җиләк-җимеш бакчасы

Агач асларына компост, янган тирес сибү өчен уңышлы чор. Кура җиләген, карлыганны, крыжовникны яшәртү, формалаштыру өчен сабакларын кисәргә кирәк.