«Мөнирнең хатынын киендерерлек акчасы да юк ахры». Татар эстрадасы җырчысы Мөнир Рахмаевның Төркиядә ялда төшкән фотосын «Интертат»ны «Телеграм»дагы каналда укучыларның берсе шулай дип бәяләде. Бу фото – соңгы көннәрдә безнең укучыларыбызны дулкынландырып алган фотоларның берсе.
Фотосурәттә: бәхеттән балкыган Мөнир Рахмаев, ялангач диярлек кыяфәттә фото төшерүче хатыны Илсөяр һәм аларның кызлары. Гаилә, баланы коляскага утыртып, лифтта төшеп яки менеп бара. Ярымялангач хатын бина эчендә дә шулай йөргән инде, күрәсең. Бу фото астына Мөнир үзе: «Рәхәтләнеп ял итәбез, Аллага шөкер», – дип язып куйган.
«Бөтенләй генә чишенеп бирсен инде, тәүбәәәә»;
«Фууу, бу үзен матур дип саный инде, нинди күңелсез фото»;
«Коточкыч ямьсез шәрә тән. Фуу, җирәнгеч»;
«Ире кая карый микән, бик күңелсез фото. Күрсәтәсе килгәч, киеп тә торасы түгел иде аны, әйтер сүз юк», – дигән мәгънәдәге бик күп сүзләр язып калдырган укучыларыбыз.
«Татар җырчылары – мәдәният һәм традицияләрне саклаучылар», – дип тә төрттерүчеләр бар.
«Интертат» сайтында мондый фотоларны күрсәтә алмыйбыз. Иң кызык фотосурәтләр, видеолар, язмалардан өзекләр, артистлар тормышы – безнең «Telegram» каналда. Кушылмаган булсагыз, рәхим итегез.
«Интертат: иң популяр татар сайты» каналы – безнең белән һәрдаим эләмтәдә торуның иң кулай ысулы, иң җайлы мәгълүмат чыганагы.