Интернетта телләрне популярлаштыруга багышланган конкурска гаризалар кабул ителә

«Татмедиа» республика матбугат һәм массакүләм коммуникацияләр агентлыгы интернет челтәрендә Татарстан Республикасының дәүләт телләрен һәм республикада яшәүче халыкларның башка телләрен популярлаштыруга багышланган конкурста катнашу өчен гаризалар кабул итү вакытын озайтты. Бу турыда агентлык сайтында хәбәр ителә.

Конкурста катнашу өчен гаризалар 2026 елның 20 октябренә кадәр кабул ителә.

Конкурс ике номинациядә үткәрелә:

• «Социаль челтәрләрдә язылучылары 5000гә кадәр булган иң яхшы блог»;
• «Социаль челтәрләрдә язылучылары 5000нән артык булган иң яхшы блог».

Һәр номинациядә җиңүчеләргә акчалата бүләкләр тапшырыла:

• 1 нче урын — 60 000 сум;
• 2 нче урын — 50 000 сум;
• 3 нче урын — 43 000 сум.

Конкурста интернет киңлегендә телләрне популярлаштыруга өлеш керткән блог авторлары катнаша ала.