Кояш бик көчле кабынып китү аркасында 2024 ел башында интернет 2 атнага өзелергә мөмкин. Төрле сайтларда шундый мәгълүмат таралды. Беренче булып мондый хәбәрне чит илнең Unilad сайты язды.
Бу мәгълүматлар белән Калькутта галимнәре уртаклашкан. Алар сөйләвенчә, һәр 11 ел саен Кояшта күп кенә караңгы таплар барлыкка килә, алар Җир юнәлешендә көчле энергия ялкыннары китереп чыгара.
Бу күренеш вакытында бик көчле магнит давыллары булачак. Алар спутникларга зыян китерәчәк һәм интернет эшен бозачак, дип фаразлый белгечләр.
