Инстачылар Зөфәр Билаловның йонлы аркасына бәйләнә
Зәйнәб Фәрхетдинова диңгезгә ялга баргач төшкән фото куйган.
Зәйнәб Фәрхетдинова Төркиянең Анталья шәһәренә ялга баргач, ире Зөфәр Билалов белән аркаларын куешып төшкән фото куйган.
Инстачылар Зөфәр Билаловның аркасын гына күрергә риза булмаган: «Нишләп беркайчан да Зөфәрне күрсәтмисез. Әллә күз тияр дип куркасызмы?»
Иҗади гаиләнең виртуаль дуслары Зөфәрнең йонлы аркасына бәйләнгән. «Кышкы көннәрдә җылы буладыр», «Йонлы кеше юньле була, диләр», «Йонлы кеше - бәхетле», «Йонлач».
«Бердә күзегез чибәр Зәйнәбкә төшми, кеше аркасыннан йон эзләп утырасыз», — дип акылга утыртырга теләгән тәнкыйтьчеләрне берәү.
«Ә сез аның Зөфәр икәнен каян беләсез? Аркасы белән утыра бит», «Бу Зөфәр түгел, мин аны таныйм», — дип тә язучылар бар.
