Инстачылар җырчы Салаватның алмагачлары өчен борчыла
Татарстанның халык артисты минифермасындагы йорт куяннарын видеога төшергән.
Җырчы Салават минифермасында йорт куяннарын иреккә — алмагач бакчасына җибәргәнен видеога төшергән.
Инстачылар агачлар өчен борчылып комментарийлар калдырган: «Алмагачы кайрысын бик яраталар инде», «Агачларны кимереп бетерәләр бит, аннары корыячаклар», «Салават абый, алмагачларыгыз белән хушлашыгыз».
«Бүтән эшең беткән, безнекеләр кояшта төзелештә эшли. Дөнья тигез түгел шул. Безнең куян белән бала-чага кебек уйнап утырырга вакыт юк», «Бисмилла әйтеп җибәргәч, алма куяннарга да җитәчәк», «Тиздән 7-8 бала алып кайталар, безнең баштан үтте инде», «Мәш килә, Салават Зәкиевич, куянпати», дип тә комментарий калдырган җырчының виртуаль дуслары.
