Инстачылар Җәвит Шакировка: «Сезнең белән кодалашасы килә»
Юморист кода-кодагыйларын кунак иткәнен видеога төшергән.
Зөлфия һәм Җәвит Шакировалар кода-кодагыйларын кунак иткән.
«Кодагыйны «Мерседес“та гына йөрттек. Мунчадан чыкканнарын көтеп арып беттек! Авылдагы туй вакытлары искә төште», - дип язган юморист яңа видео янына. Видеода кода кеше хатынын арбага утыртып «йөри», Җәвит Шакиров гармунда уйный.
Инстачылар дус-тату, күңелле яшәүче кода-кодагыйлардан көнләшеп куйган.
«Ник мин сезнең кодагый түгел икән», - дип комментарий язучыга артист әле соң булмавы, өйләнмәгән малае булуы турында язган.
«Сезнең кебек кода-кодагыйлар турында хыялланасы гына инде», «Малаегызга ничә яшь, минем 30 яшьлек кызым бар», «Кызыгыз да юкмы? Минем малаем бар! Бик тә сезнең белән кодалашасы килә», — дип хыялланган артистның виртуаль дуслары.