Инстачылар Салават Миңнехановның иртәнге аш әзерләвеннән гаеп тапкан
Җырчы иртәнге ашка ит белән йомырка кыздырган видео куйган.
Җырчы Салават Миңнеханов иртәнге ашка йомырка белән ит кыздырган видеосын куйган.
Инстачылар кәефсез уянган бугай, гаеп эзләргә дә тотынганнар:
«Нинди иртәнге аш инде ул ит белән йомырка?»
«Банкасы юкмыни кәбестәне салып куярга?» — дип язган алар.
Барыбер күпчелек җырчыны яклап чыккан, үзе пешереп ашавын мактап та алганнар: «Һәр ир-ат та үзе пешереп ашамый», «Кыланып тормый, ничек бар шулай күрсәтә», «Ул кәбестәне ашыкканда үзебез дә пакеттан гына ашыйбыз инде, әмма үземне әдәпсез кеше дия алмыйм», «Тәлинкәдән ашадың ни, пакеттан ашадың ни, иң мөһиме - тамагы тук булсын. Молодец, Салават! Икенче юлы чиләктән ашап күрсәт».
Инстачылар видеоны да карап бетермичә комментарий язып калырга ашыга. Җырчы кәбестәне пакеттан кашык белән алып, тәлинкәгә сала.
«Әллә сездә видеода башкача күренәме?» — дип аптыраган бер инстачы.
