Инстачылар Салават Фәтхетдиновтан тиен койрыгы сорый
Татарстанның халык җырчысы тиеннәрен видеога төшергән.
Салават Фәтхетдинов үзенең «зоопаркын» күрсәтеп тора. Бу юлы ул тиеннәрен куйган. Аларга әзерләгән кортларын да күрсәткән.
Инстачылар: «Тиеннәр корт ашыймени?» — дип аптыраган. Җырчының виртуаль дуслары тиеннең койрыгына сокланган. Хәтта тиеннең койрыгын кисеп бирүен сораганнар.
«Башка эше юк, зоопаркын карап тик йөри. Әле хайваннарын караучысы да бар», - дигән комментарий да калдырганнар.
Салават Фәтхетдиновның бу эшен хуплаучылар һәм видеолар карап, үзләренең дә күңелләре күтәрелүен әйтүчеләр күбрәк.