Инстачылар Рамилә Хәйретдинованың башмагы белән кызыксына
Җырчы авылда эшләп арган фотосын куйган.
Җырчы Рамилә Хәйретдинова авылда келәм юган фотосын куйган. Фото янына «Хәрәкәттә - бәрәкәт. Эшләмәгән эш калмады… Келәмнәр юылды, бәрәңге, яшелчә утырттык. Иң мөһиме - әни барсыннан да канәгать», — дип язган ул.
«Эшләтеп үтерәләр инде», - дип язган инстачыга, җырчы «эшләп ашыйбыз инде» дип җавап язган.
Инстачылар да, хезмәттәшләре дә Рамиләнең носкиен ошаткан. Тик аны ни дияргә дә белмәгәннәр. «Носкиең — ут», «Миңа да шундый кирәк», «Аякка кигән әйберең матур», Чәпәләең матур», - дип язганнар. Шул арада, форсаттан файдаланып, бер инстачы заказга бәйләүләре турында да хәбәр иткән.
«Әйе шул, коронавирус булмаса, без - әниләр бу эшләрнең барысын да үзебез генә эшләр идек. Нормаль кеше үзе генә ничек шулкадәр эшли, шаккатам, ди кызым. Без - әниләр шулай нормаль түгел инде», - дигән комментарий да калдырган берәү.
Җырчының виртуаль дуслары аның чибәрлеген дә игътибарсыз калдырмаган, әнисенә булышканга мактаганнар да, «арган бу» дип кызганып та куйганнар
