Инстачылар Гөлназ Шәрипҗанованы ярымшәрә килеш өчпочмак пешерүдә гаеплиләр
Җырчыга ашарга әзерләгәндә яулык һәм алъяпкыч кияргә киңәш итәләр.
Гөлназ Шәрипҗанова ире Илсур белән өчпочмак ясаган видео куйган. Инстачылар өч төркемгә бүленгән. Бер төркем Гөлназның ярымшәрә, яулыксыз ашарга әзерләвен гаеп иткән, икенче төркем Илсурны мактаган, Гөлназны яклаган. Өченче төркем камырны ошаткан, рецепт сорап язганнар.
«Безнең мөселман динендә ярымшәрә килеш ризык пешермиләр, сеңлем», «Башыңа яулык бәйлә», «Башыңа матур итеп яулык ябып, матур күлмәгеңне киеп, алъяпкычыңны матур итеп бәйләп, бисмиллаңны әйтеп эшкә тотынсаң күңеллерәк булыр иде. Ирең дә яныңда бит», — дип киңәш биргән җырчының сәхифәсен күзәтеп баручылар.
«Сез искиткеч! Ничек булсагыз да сезне яратабыз. Бөтен әйбердән матурлык таба белергә кирәк», «Илсур молодец инде, авыл егете, матур итеп өчпочмак ясый. Гөлназ - шәһәр кызы инде ул. Матуркай акрынлап остара. Бик матур пар», — дип язган иҗади парны яратучылар.