Инстачылар Булат Бәйрәмовка: «Күршеләрең булганда ач калмассың!»
Шоуменның күршеләре учакта бөтен килеш сарык түшкәсе пешергән.
«ТМТВ» каналында «Тәмле көрәш» тапшыруын алып баручы Булат Бәйрәмов күршеләренең учакта бөтен килеш сарык түшкәсе пешергәнен видеога төшергән. Видеода шоуменның күршеләре кулдан эшләнгән махсус җайланмада әйләндереп, сарык түшкәсе пешерә. Сарык түшкәсе әзер булгач, Булатка да ит калҗасы китереп бирәләр.
«Күрше хакы — Ходай хакы», — дип язган Булат Бәйрәмов.
Инстачылар ничә сәгать әйләндерүләре һәм итнең пешеп бетү-бетмәве белән кызыксынган. «Дүрт сәгать әйләндерделәр, искитмәле тәмле иде», — дип җавап биргән Булат Бәйрәмов.
«Күпме әйләндереп утырырга кирәк бит, ә», «Безнең заманда да шулай пешереп буламы?» — дип шаккатучылар бар.
«Шундый күршеләр булганда ач калмассың;
«Ашап та карыйсың, Булат! Тоткан уразаларың кабул булсын»;
«Үзбәкстанда, Сәмәрканд тауларында сарыкны нәкъ шулай әзерлиләр. Былтыр без дә ашап карадык», — дип язган шоуменның виртуаль дуслары.
«Сарыкны мыскыллыйлар», — дип комментарий калдырган хайван җанлы инстачы.