Инстачылар авырлы килеш биегән Гүзәл Уразовага: «Таба күрмә инде җырлап биегәндә»
Татарстанның халык артисты Гүзәл Уразова Мәскәүдә туйда катнашкан. Анда ул авырлы килеш халык белән бии. Әлеге видеоны ул үзенең Инстаграм битенә урнаштырган.
Мәскәүләрдән зур сәлам! — дигән Гүзәл Уразова.
«Таба күрмә инде җырлап биегәндә, Аллам сакласын», — дип язган бер тамашачы. «Һәрбер бала белән йөргәндә сәхнәдә булырга туры килде. Хәзер дә шулай булсын инде», — дип аңлаткан җырчы.
«Гүзәл, Сез чыннан да авырлымы? Шулкадәр энергияне кайдан аласыз?» — дип сораган тагын бер инстачы. «Точно авырлы мин», — дип җаваплаган Гүзәл Уразова.
«И Гүзәлкәй, бу җырга ничек кенә бии иде, очып-очып йөри иде сәхнәдә, гел сокланып карыйм, күз тимәсен берүк! Ныграк сикермәсә ярый дип торам хәзер, исән-сау булып, сәламәт бала табарга язсын! Молодцы! Үзегезгә генә хас мелизмнарыгызга үлеп гашыйкмын! Уңышлар сезгә», «Күз тимәсен, шулай дәвам итегез! Үзеңә, гаиләгезгә, сәламәтлек, бәхет, уңышлар телим!» — дип язган халык җырчыга.