Инстачы Зөлфирә Шәйдуллинаның соравына: «Хатынга акча җитәрлек җирдә эшләр идем»
Җырчы виртуаль дусларына кызык сорау биргән.
Зөлфирә Шәйдуллина виртуаль дусларына кызык сорау биргән һәм кызык җаваплар да алган.
«Әгәр дә сез ир-ат булсагыз, нинди эштә эшләр идегез? Мин, мәсәлән, агач эшләрен бик яратам. Ир кеше булсаммы, шул агачлар, кадаклар белән генә маташып ятар идем», — дип язган ул.
«Хатынга акча җитәрлек җирдә эшләр идем»;
«Хәлдән килгәннең барысын да эшләр идем, тик хатын-кыз эшен генә түгел»;
«Бер сәгатькә ир хезмәтен башкарыр идем, чөнки бар эш тә кулымнан килә»;
«Фура йөртер идем»;
«Мин төзүче булыр идем, шундый матур әйберләр ясыйсы килә, тик ирдән узып булмый»;
«Диванда ятып футбол яки хоккей карар идем»;
«Ир-ат булсам, эштә җимертеп эшләп кайтып, диванда пульт тотып ятар идем»;
«Ир-ат булсам, хатын-кызлар өчен психолог булыр идем»;
«Мин ир булсам, бөтен булыр-булмас ирләрне җыеп, чын ир булырга өйрәтер идем»;
«Хатын-кыз хатын-кыз инде. Нинди авыр эш бар, барысын да язып чыкканнар. Ә ир-атларга шундый сорау бирсәләр, ни дип җавап язарлар иде икән?»
«Психологик тест кебек булган бу. Күп хатын-кызлар ирләреннән ала алмаган әйберләр турында язган», - дип комментарийлар калдырган инстачылар.