Инстачы Лилия Хәйруллинага: «Ыштаныңны салып, артыңны гына күрсәтәсең калды»
Җырчы чалбарының төймәсен ычкындырып һәм замогын чишеп фотосессия ясаган.
Җырчы, өч бала анасы үзенчәлекле фотосессия ясаган. Аның образы топиктан һәм джинсы чалбардан гыйбарәт. Карап торышка әллә ни кыланмаган да кебек, әмма чалбарының төймәсе белән замогын эләктереп тормаган.
«Бу фотосессиягә ныклап әзерләндем: ашауны контрольдә тоттым, һәр көнне спортзалга, диетолог процедураларын йөрдем. Җиңел булмады, әмма яхшырак та тырыша ала идем», — дип язган җырчы.
Инстачыларның бер өлеше бала имезгән ананың шәп буй-сынына «ах» иткән.
«Ыштаныңны салып, артыңны гына күрсәтәсең калды. Калганын бөтенләй күрсәтеп бетердең, тәртипсез хатын. Кешедән оялмыйсыңмы?»;
«Яхшымы-яманмы, син өч бала анасы. Җитмәсә, артист булып йөргән буласың», — дип комментарий калдыручылар да бар.