25 майда Иннополис белән балалар туберкулез диспансеры арасында юлда мотоциклчылар һәлак булган. Бу турыда «Татарстан 24» каналы хәбәр итте.
Биредә ике байкер һәм пассажир кыз үлә.
Якынча белешмә буенча, бер мотоциклчы идарәсен югалта, алдарак баручы иптәшенә барып бәрелә.
Фаҗига урыныннан кадрлар социаль челтәрләрдә таралды.
Башка мотоциклчылар сүзләренчә, мәрхүмнәр читтән килгән, алар Казанда традицион сезонлы мотойөрештә катнашкан.
