Күкрәк читлегендә көчле авырту, аның кулларга, казналыкка яки муенга бирелүе инфарктның төп билгесе булып тора. Бу хакта «РИА Новости» агентлыгына Россия Сәламәтлек саклау министрлыгының штаттан тыш баш кардиологы, академик Чазов исемендәге Милли кардиология медицина тикшеренү үзәгенең генераль директоры, Россия Фәннәр академиясе академигы Сергей Бойцов хәбәр иткән.
«Инфаркт вакытында күкрәк читлегендә көчле авырту була. Ул йөрәк тирәсендә генә булмаска да мөмкин, ешрак күкрәк читлегенең уртасында сизелә. Авырту сул кулга яки ике кулга да, казналыкка һәм муенга бирелергә мөмкин», — дигән Бойцов.
Ул шулай ук авырту 20 минуттан артык дәвам итсә, ашыгыч ярдәм чакырырга кирәк дип өстәгән.