Популяр блогерлар Индира һәм Рөстәм Нәбиевләрнең өченчегә әти-әни булулары хакында хәбәр иткән идек. Гаилә өченче сабыйларының кызмы, малаймы булуын ахырга кадәр сер итеп саклады. Ниһаять, Нәбиевләр гаиләсендә 2 кыздан соң көтеп алынган малай тууы билгеле булды. Бу хакта социаль челтәрләрдә Башкортстанның гаилә, хезмәт һәм социаль яклау министры Ленара Иванова хәбәр иткән.
«Нәбиевләр гаиләсен котлыйм! Ура! Рөстәм Нәбиевнең улы бар. Тагын бер күп балалы гаилә барлыкка килде», – дигән ул. Яңалыкны «БашДТП» телеграм каналы яза.
Нәбиевләр София һәм Әминә исемле ике кыз тәрбиялиләр. Малайларына алар Таһир дип исем кушачак.
