Җырчы Лилия Муллагалиева ябыгу һәм төрле авыруларны дәвалау белән шөгыльләнүче үзәккә килгән.
«Мин бу үзәкнең барлыгын белүгә үк, килермен дигән идем, әмма үзегез беләсез, хатын-кызның үзенә вакыты җитми. Көндәлек эш, гаилә, иҗат, балалар.... Төрле сәбәпләр чыгып кына тора. Инде Аллаһка тапшырып, бүген мин монда.. Монда кемдер ябыгыр өчен, кемдер төрле авырулардан арыну, сәламәтлеген ныгыту, кемдер депрессиядән чыгар, кемдер, хәтта, балага узар алдыннан чистарынырга килә. Мин үзем чистарынырга, ябыгырга, сәламәтлегемне ныгытырга килдем. Монда яшәү рәвешен үзгәртү, ач тору ярдәмендә сәламәтлекне яхшырту ысулларын өйрәләр. Бирегә 3,6,10,14 көнгә киләләр. Мин 6 көнгә килдем», – дип сөйләде ул үзенең әлеге карары хакында.
Артист үзенең сәхифәсендә көндәлек режимы һәм хәлләре турында сөйләп бара. Җырчы 3 көндә 3 килограмм авырлыгын ташларга да өлгергән инде.