Һинд киносы йолдызы Митхун Чакрабортиның әтисе үлгән
Коронавирус аркасында артистка әтисен соңгы юлга озатуда кыенлыклар туган.
Һинд киносы йолдызы Митхун Чакрабортиның әтисе үлгән дип яза mid-day.com сайты.
Митхунның әтисе Басанткумар Чакрабортига 94 яшь булган. Аның бөерләре авыру булган, шул сәбәпле Басанткумар әфәнде соңгы елларда еш авырган.
Митхун Чакраборти үзе кыен хәлдә калган: актер коронавирус аркасында Бангалор шәһәрендә бикләнеп калган, ә әтисе Мумбаида. Аңа әтисен соңгы юлга озатуы кыен булачак, дип яза сайт.
Митхун үзе 1970 елның 16 июнендә туган, быел аңа 70 тула. Аның әнисе әле дә исән.
Митхун Чакраборти элекке Советлар Союзы илләрендә «Танцуй, танцуй», «Танцор диско» фильмнары белән танылды.
