Исерек ир хатынының башына пычак кадаган | intertat.tatar

Исерек ир хатынының башына пычак кадаган

Башына пычак кадалган хатынны урамга чыгып йөгерә, аны узып баручы кешеләр күрә, алар ашыгыч ярдәм һәм полиция чакыра.

Краснодар краеның Апшерон районында бер хатынның битенә ире пычак кадаган. Хатын башына пычак кадалган килеш качып чыгып киткән. РЕН ТВ каналы шул хакта хәбәр итте.

Вакыйга 19 ноябрьдә була. 64 яшьлек ир-ат исерек килеш 60 яшьлек хатыны белән талаша. Аннары ир-ат хатынның борыны янына пычак кадый. Битенә пычак кадалган хатын өйдән урамга чыгып йөгерә. Аны урамнан узып баручы кешеләр күрә. Алар ашыгыч ярдәм һәм полиция чакыра. 

Имгәнгән хатынга операция ясыйлар, табиблар пычакны ала. Пычак йөзе 25 см озынлыкта була. Хәзерге вакытта хатынның хәле канәгатьләнерлек, аңа кабат операцияләр ясалачак.

Хатынның иренә карата җинаять эше ачылган.