Чаллыда Эчке эшләр органнары ветераны Фиркат Шәфигуллин вафат
Фиркат Шәфигуллин хокук саклаучыларның эшчәнлеген матбугат чарларында популярлаштыруга зур игътибар биргән.
Чаллыда Эчке эшләр идарәсен төзи башлаучы беренче экспертлар арасында булган Фиркат Шәфигуллин вафат. Отставкадагы майорга 81 яшь иде. Бу турыда Эчке эшләр министрлыгының Чаллы буенча идарәсенең матбугат хезмәте хәбәр итте.
Фиркат Шәфигуллин оператив-төркемне җитәкли. Ул Эчке эшләр идарәсенең эксперт-криминалистика бүлеге җитәкчесенең урынбасары була. 1989 елда лаеклы ялга китә.
«Фиркат Шәфигуллин киң күзаллаулы, хезмәт сөючән, җаваплы һәм принципиаль булуы белән аерылып торды. Ул җинаятьчелеккә каршы көрәшкә зур өлеш кертте, яшь хезмәткәрләрне тәрбияләде, алар соңрак чын профессионал булып танылды. Ул милиция эшчәнлеген матбугат чарларында популярлаштыруга зур игътибар бирде», диелә бу хәбәрдә.
Россия Эчке эшләр министрлыгының Чаллы идарәсе коллективы һәм ветераннары Фиркат Шәфигуллинның якыннарының һәм туганнарының тирән кайсыны уртакалаша.