Чабаксар мәктәбендә укучы кыз БДИ биргәндә вафат булган

Чабаксар мәктәпләренең берсендә 11 классында укучы кыз математика буенча бердәм дәүләт имтиханын биргәндә һәлак булган. Бу хакта Чувашиянең мәгариф һәм яшьләр сәясәте министрлыгы матбугат хезмәте хәбәр итә, дип яза РИА Новости.

Ведомство хәбәр итүенчә, кыз балачактан инвалид. Ул имтиханга килгәндә үк авырганы билгеле булган. Мәктәптә дежур торган медицина хезмәткәрләре һәм имтиханны оештыручылар аңа һәм әти-әнисенә БДИны тапшырмаска киңәш иткән. Әмма кыз 18 яше тулган кыз имтиханны тапшырачагын әйткән.

Кыз бер сәгать буе имтиханда булгач, коридорга чыгарга теләвен әйткән. Чыккач, ул үзен бик начар хис итә башлаган. Аңа медицина ярдәме күрсәтелгән, реанимация уздырганнар, әмма аңын югалткан кыз бераздан вафат булган.

Чувашия министрлыгы кызның якыннарының кайгысын уртаклаша.

Сәламәтлек саклау министрлыгы кызның тумыштан йөрәк авырулы булуы хакында хәбәр итә.