Укытучы хатын кыз баланы мәктәптә яланаяк йөрергә мәҗбүр иткән | intertat.tatar

Укытучы хатын кыз баланы мәктәптә яланаяк йөрергә мәҗбүр иткән

Дүртенче сыйныфта укучы кыз алмаш аяк киеме алып килмәгән булган.

Красноярск өлкәсендәге Ачинск шәһәрендә бер укытучы дүртенче сыйныфта укучы кыз баланы бинада яланаяк йөрергә мәҗбүр иткән. Бу турыда РЕН ТВ хәбәр итте.

Баланың алмаш аяк киеме булмау сәбәпле, укытучы шундый җәза уйлап тапкан.

Край прокуратурасы хәбәр иткәнчә, вакыйга 8 нче мәктәптә булган. Ведомство бу хәлне тикшерә, укытучы гамәлләренә һәм мәктәптә балаларның хокукларын яклауга бәя биреләчәк.

Моңа кадәр Карачаево-Черкесиядә укытучының балаларны тезләндереп гафу үтендерүе турында язганнар иде. Ул баланы хисапка кую белән куркыта, диелә бу хәбәрдә.