Көнче ир-ат сөяркәсенә спирт сибеп, ут төрткән | intertat.tatar

Көнче ир-ат сөяркәсенә спирт сибеп, ут төрткән

Ир-ат яна башлаган хатынны ташлап чыгып киткән.

Красноярск өлкәсендә 58 яшьлек ир-ат сөяркәсенә спирт сипкән һәм шырпы яндырып, ут төрткән. Бу турыда Россия Тикшерү комитетының Красноярск өлкәсе буенча прокуратураның матбугат хезмәте хәбәр итте.

Фаҗига 16 февральдә көнчелек аркасында була. Ир белән хатын бакча йортының гаражында табын корып утыра. Аннар гашыйклар талаша. Ир-ат сөйгәнен көнли. Ул спиртлы сыеклык ала һәм хатын-кызга сибә. Аннары шырпы яндыра һәм ут төртә. Ир ут капкан хатынны ташлап чыгып китә.

Яна торган хатынны бакча йортының хуҗабикәсе күреп ала, ул ялкынны сүндерә. Аннары ашыгыч ярдәм һәм полиция чакыра. Имгәнгән хатынны хастаханәгә китергәннәр. Аның тәне пешкән. Хатын реанимациядә ята.

«Үтерергә маташу» маддәсе буенча җинаять эше ачылган. Ир-атны кулга алганнар, аны сигез елдан башлап, гомерлек срокка кадәр ирегеннән мәхрүм итүләре ихтимал, диелә бу хәбәрдә.