Нәни малайны шәп-шәрә килеш салкынга чыгарып бастырганнар
Салкында шәрә килеш урамда елап басып торучы баланы биредә яшәүче хатын күреп алган.
Алтай краенда нәни малайны 20 градус салкында шәп-шәрә килеш урамга чыгарып бастырганнар. Хәзер баланың анасын һәм аның белән яши торган ир-атны тоткарлаганнар. Бу турыда РЕН ТВ каналы Тикшерү комитетына сылтама белән хәбәр итте.
Ир белән хатын балага карата вәхши «тәрбия» ысуллары кулланган.
Тикшерү ачыклаганча, бу хатын һәм аның ире малайны да, аның энеләрен дә даими рәвештә кыйнап торганнар. Сабыйларны опека органнары гаиләдән алып киткән.
Салкында шәрә килеш урамда елап басып торучы баланы биредә яшәүче хатын абайлап алган. Ул койма артына кергән һәм шәрә, яланаяк урамда торучы сабыйны күргән, диелә хәбәрдә.