Чаллыда зираттан чардуган урлаганнар

Чаллыда зираттан чардуган урлаганнар
Чаллы зиратындагы бер кабер яныннан чардуганны урлаганнар. Бу турыда "Челнинские известия" сайты хәбәр итте. 

Чаллыда яшәүче 69 яшьлек ир-ат полициягә мөрәҗәгать иткән. Ул туганнарының каберенә куяр өчен, зиратка чуен чардуган китерткән. Ләкин 13 секциядән торган бу чардуганны кемдер урлап алып киткән. Кабер янында буш полиэтилен пакет кына калдырганнар.

Чардуган урлаудан килгән зыянны пенсионер ир-ат 65 мең сумлык дип бәяли.

Хәзер бу эшне хокук саклаучылар тикшерә, җинаять эше ачылган, диелә хәбәрдә.