Машинасына утырып чыгып киткән 42 яшьлек Әлфия Даутова югалган

Әлфия Башкортстанның Абзак авылыннан 18 ноябрьдә чыгып киткән.

Башкортстанның Белорет районындагы Абзак авылында яшәүче 42 яшьлек Әлфия Даутова югалган. Бу турыда «Башинформ» хәбәр итте.

Әлфия 18 ноябрьдә «Рено Сандеро» машинасына утырып, өеннән чыгып киткән. Шуннан бирле аның кайда булуы билгеле түгел.

«Лиза Алерт в РБ» эзләү төркеме белешмәсе буенча, Әлфиянең буе 165 см чамасы, ул чандыр гәүдәле, чәчләре кара, күзләре яшел төсле.

Әлфия ачык-яшел төсле куртка, ачык-соры төсле трико, ак төсле аяк киеме, соры төсле бәйләнгән башлык кигән.

Бу хатын турында белешмәсе булган кешеләргә төркем вәкиле Ксениягә 89178086808 номерына шалтыратырга кирәк, диелә бу хәбәрдә.