Танылган актер Алек Болдуин операторны атып үтергән, режиссерны яралаган

Фаҗига кино төшерә торган мәйданчыкта булган.

Танылган актер Алек Болдуин «Ржавчина» фильмын төшергәндә, операторны атып үтергән, режиссерны яралаган. Бу турыда «Интерфакс» яза.

Фаҗига Санта-Фе (штат Нью-Мексико) округында кино төшерү мәйданчыгында була. Оператор Галина Хатчинсны хастаханәгә илтәләр, тик ул вафат була. Режиссер Джоэл Соузга табиблар ярдәм күрсәтә.

Актерның матбугат сәркатибе сүзләренчә, бутафор пистолет ватык булу сәбәпле, фаҗига килеп чыга. Полиция тикшерү башлаган.