Васильево бистәсендә янгында исән калган песи кисәк кенә комага киткән һәм үлгән | intertat.tatar

Васильево бистәсендә янгында исән калган песи кисәк кенә комага киткән һәм үлгән

Янгын сүндерүчеләр песине уттан алып чыккач, сулыш алу җайланмасы ярдәмендә реанимация ясаганнар.

Татарстанның Васильево бистәсендә янгын вакытында коткарылган Тишка исемле песи вафат булган. Бу турыда «Татар-информ» хәбәр итте.

Бүген иртән Тишканың температурасы 33 градуска төшкән, аннары ул комага киткән. 15.30 сәгатьтә песинең тәне тартыша башлаган. «Тишка шул чакта соңгы сулышын алды һәм мәңгегә тынып калды», — дип язган Регина Чибрикова социаль челтәрләрдә.

Регина сүзләренчә, янгыннан коткарылган песине дәвалауны яхшы белгечләр, хәтта Мәскәү табиблары да контрольдә тоткан.

Тишканы Васильевода җирлиләр, диелә хәбәрдә.

Песине янгыннан коткарганнар иде. Аңа сулыш алу җайланмасы ярдәмендә реанимация ясадылар. Соңрак Тишкадан хуҗалары да баш тартты. Дәвалау өчен акчалары булмау сәбәпле, алар песине аны ветеринарларга калдырып китте, диелә хәбәрдә.