«Эштән кайткач, әтисе тапты»: Татарстанда сабый бала җылыту батареясына пешеп үлгән

Нәни бала төнлә йоклаганда диваннан егылып төшкән.

Татарстанның Ютазы авылында узган шимбәдә сабый бала төнлә йоклаганда диваннан егылып төшкән. Аннары ул җылыту батаресына орынып пешкән һәм вафат булган. Бу турыда «Татар-информ» агентлыгына Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

Тикшерү версиясе буенча, кичке якта 4 айлык бала анасы белән диванга йокларга ята. Төнлә бала җылыту батареясы янына тәгәрәп төшә. Сабый кайнар батареяга орынып пешеп бетә һәм вафат була.

4 айлык малайның мәетен иртән эштән кайткан әтисе табып ала.

Әлеге вакыйгадан соң җинаять эше ачылган.