Янгын вакытында ике нәни малай 8 каттагы тәрәзә кәрнизендә ябышып торган - видео

Янгын вакытында ике нәни малай 8 каттагы тәрәзә кәрнизендә ябышып торган - видео
Омск шәһәрендә 8 һәм 10 яшьлек ике бала чак кына янгында һәлак булмый калган. Алар фатирдан чыгып, тәрәзә кәрнизендә басып торган. Балалар кер киптерә торган таякларга ябышып исән калган. Омск шәһәрендәге күп катлы йортларның берсендә булган фаҗига кадрларын РЕН ТВ аналы күрсәтте.

Видео кадрларыннан күренгәнчә, фатир тәрәзәсеннән куе кара төтен ургыла. Бу вакытта ике нәни бала кәрниздә басып, ярдәм килгәнне көтә. 



Россия Гадәттән тыш хәлләр министрлыгының Омск өлкәсе буенча матбугат хезмәте бу вакыйга турында хәбәр таратты.

Янгын Молодцов урамындагы күп катлы йортның 8нче катында була. Фатирда 10 квадрат метр мәйданда җиһазлар, әйберләр яна. Урынга килгән коткаручылар утны сүндерә. Алар килеп җиткәнче йорттан 23 кеше үзләре урамга чыга.

Коткаручылар куркыныч хәлдә калган балаларга ярдәм итәргә өлгергән. Янгын сүндерүчеләр яна торган фатир ишеген ватып ачкан һәм балаларны алып чыккан.