Тольяттида машина бәрдергәч, бала ун метрга очып киткәнен видеорегистратор төшергән
LADA Largus машинасы белән 61 яшьлек ир-ат идарә иткән.
![Тольяттида машина бәрдергәч, бала ун метрга очып киткәнен видеорегистратор төшергән](https://intertat.tatar/resize/shd/images/uploads/news/2021/3/18/ef80c7e127866b43114779f06e4cf26f3c5c89f40c94447d1400db866f82.jpg)
17 мартта Тольятти шәһәрендә юл аша йөгереп чыгып баручы 8 яшьлек баланы LADA Largus машинасы бәрдергән. Юл һәлакәтен видеорегистратор төшереп торган. Бу кадрларны «Вести» каналы күрсәтте.
ЮХИДИ биргән видеода юл аша башта бер малай чыгып китүе күренә. Машина белән идарә итүче 61 яшьлек ир-ат тизлеген киметми. Шуннан соң юлга тагын бер бала йөгереп чыга.
Машина белән идарә итүче ир-ат вакытында тормозларга өлгерми, ул баланы бәрдерә, бала исә ун метрлап ераклыкка очып китә.
Полиция белешмәсе буенча, баланың башы имгәнгән, аны хастаханәгә салганнар. Баланың хәле турында хәбәр ителми.
Машина йөртүчегә карата административ эш ачылган, диелә хәбәрдә.