Самолет шәхси йортка бәрелгән: Йортта яшәүчеләр, пассажирлар һәлак булган

Самолет шәхси йортка бәрелгән: Йортта яшәүчеләр, пассажирлар һәлак булган
18 августта Нью-Йоркта җиңел моторлы Cessna 303 самолеты торак йортка бәрелгән һәм яна башлаган. Бу турыда ABC-news басмасына сылтама белән "Вести" каналы хәбәр итте.

Полиция белешмәсе буенча, самолетта өч кеше була. Пилот һәлак була, ике пассажир  җитди яралана. Самолет бәрелгән йортта өч кеше була. Аларның берсе исән калган, икенчесе һәлак булган. Өченче кешене коткаручылар эзли. Бу кеше хәбәрсез югалган булып исәпләнә.

Урында көчле янгын була.

"Самолетта өч ир-ат була. Аларның берсе һәлак. Самолет бәрелгән йорттагы 30 яшьлек хатын-кыз исән кала, 21 яшьлек кыз җитди имгәнә, ул үлә, тагын бер ир-ат хәбәрсез югалган булып исәпләнә. Самолет бәрелгән йорт тулысынча җимерелгән", - дип хәбәр итә РЕН ТВ каналы. 

Самолет Лонг-Айленд аэропортына таба оча торган була. Ул очып киткәннән соң, бераз вакыттан ул авариягә очрый. Шаһитлар сүзләренчә, самолетның двигателе белән проблемалар булуы ихтимал.