Богырыслан шәһәрендә апалы-сеңелле ике бала һәм аларның анасы янып үлгән
Өйдә 39 яшьлек хатын-кыз, аның 3 һәм 5 яшьлек ике кызының мәете табыла.
Оренбург өлкәсенең Богырыслан шәһәрендә янгында өч кеше һәлак булган. Бу турыда Гадәттән тыш хәлләр министрлыгының Оренбург өлкәсе буенча идарәсенең матбугат хезмәте хәбәр итте.
Россия Тикшерү комитетының Оренбург өлкәсе буенча Тикшерү идарәсе хәбәр иткәнчә, җинаять эше ачылган.
Янгын 18 майда иртәнге сигез тирәсендә була. Өй эчендә хуҗабикә - 39 яшьлек хатын-кыз, аның 3 һәм 5 яшьлек ике кызының мәете табыла.
Тикшерү эшләре бара, диелә хәбәрдә.
