Күрше төбәктә берьюлы ике ир-атны үгез сөзеп үтергән | intertat.tatar

Күрше төбәктә берьюлы ике ир-атны үгез сөзеп үтергән

Мәрхүмнәр крестьян-фермер хуҗалыгында эшләгән.

16 апрельдә Ульяновск өлкәсенең Мәләкәс районында урнашкан Мулла авылындагы крестьян-фермер хуҗалыгында ике ир-атны үгез сөзгән. Алар икесе дә үлгән. Бу турыда Ульяновск өлкәсенең Ветеринария агентлыгы хәбәр итте.

Төбәк буенча ветеринария агентлыгы белешмәсе буенча, үгез эшче ир-атларга һөҗүм иткән, алар җитди имгәнгән.

Хәзерге вакытта Мәләкәс ветеринария һәм азык-төлек иминлеге үзәге белгечләре тикшерү оештырган. Үгездән котыру авыруына анализлар алганнар.

Ведомство хәбәр иткәнчә, карап торышка үгездә куркыныч авыру билгеләре булмаган.