8 яшьлек Казан кызы Анапада ял иткәндә һәлак булган

8 яшьлек Казан кызы Анапада ял иткәндә һәлак булган
Анапа шәһәрендәге курортта Crazy Dance аттракционында 8 яшьлек бала һәлак булган. Ул бирегә Казаннан килгән. Бу турыда "Анапское Черноморье" басмасына сылтама белән "Татар-информ" хәбәр итте.

8 яшьлек Азалия Анапага әти-әнисе белән Казаннан килгән. Фаҗига якшәмбе, 9 июньдә, була. Казан кызы Джемет пионер лагеренда аттракционнар паркында йөри. Ул Crazy Dance аттракционына утыра. Бер мизгелдә кызның хәле китә. Әти-әнисе тиз арада ашыгыч ярдәм чакыра. 

Урынга килгән табиблар берничек тә ярдәм итә алмый, алар баланың үлемен раслый. Башлангыч версия буенча, кыз йөрәк өянәгеннән үлгән. 

Бала үлеме буенча тикшерү эшләре бара.