Автосервиста янгын сүндергәндә үлгән коткаручы-командирның ике баласы ятим калган
Николай Шамарин 25 ел чамасы янгын сүндерүче булып эшли.
14 мартта Свердловск өлкәсенең Первоуральск шәһәрендә автосервиста янгын чыга. 350 квадрат метр мәйданга таралган ут Volkswagen Polo машинасына, стеналарга, түбәгә, җиһазларга зыян китерә. Коткаручылар ике сәгать чамасы ут белән көрәшә. Шул чакта коткаручылар командиры — өлкән прапорщик Николай Шамарин һәлак була. Бу турыда «Комсомольская правда» хәбәр итте.
Шамаринга 46 яшь, ул эчке хезмәтнең өлкән прапорщигы (отставкада) һәм коткару-янгын сүндерү посты командиры була. Ул 25 ел чамасы янгын сүндерүче булып эшли.
Гадәттән тыш хәлләр министрлыгы мәрхүмнең якыннарының һәм туганнарының тирән кайгысын уртаклаша.
«Николай Шамарин җаваплы хезмәткәр, һөнәре көрәшче, белемле белгеч иде. Аны эштә тырышлыгы, гаделлеге, һөнәрен яратуы өчен хөрмәт итәләр. Утлы фронтта һәлак булган янгын сүндерүченең истәлеге мәңгегә калыр», диелә ведомство хәбәрендә.
Николай Шамаринның ике баласы һәм хатыны бар, диелә хәбәрдә.