Казан кешесен үтерүдә гаепләнүчене 4 елдан соң тотканнар

2014 елның 7 февралендә Казанда Җиңү проспектындагы йортларның берсендә яшәүче кеше урамда таныш булмаган кеше белән сүзгә килгән.

Шуннан алар сугыша башлаган. Нәтиҗәдә җинаятьче 48 яшьлек ирнең күкрәгенә пычак белән кадап үтергән. 
Үтерүченең шәхесен полиция хезмәткәрләре тиз арада ачыклаган. Тик ул качкан һәм аны кулга ала алмаганнар. 

Бары тик быел 3 февральдә аны Лаешта тапканнар. Үтерүдә шикләнелүче кеше хәзер сак астында, дип хәбәр итә Татарстан Эчке эшләр министрлыгы матбугат хезмәте.