Барлык язмалар news_header_top_970_100
news_header_bot_970_100
Язманы тыңлагыз

«Песи югалды, эт улады». Башкортстанда күп балалы гаилә яши торган өйне яшен суккан

Күршеләре сүзләренчә, өйгә ике тапкыр яшен суга, аннары тәрәзәләр корымлана, торбадан кара төтен чыга башлый.

news_top_970_100
«Песи югалды, эт улады». Башкортстанда күп балалы гаилә яши торган өйне яшен суккан
https://www.bashinform.ru

9 июньдә Башкортстанның Әлшәй районындагы Кармыш авылында күп балалы гаилә яши торган йортны яшен суккан. Шулай итеп алар йорт-җирсез калган. Бу турыда «Башинформ» хәбәр итте.

Туганнары сүзләренчә, әтисе, әнисе, өч, алты, унөч яшьлек балалар яши торган йортка яшен кичке алтылар тирәсендә суга.

«Яшен шартлаган тавыш ишетелде, күк күкрәде, берничә минуттан янгын чыкты. Бу вакытта өйдә кеше юк иде, гаилә эштән кайтып килү юлында була. Күршеләр янгын сүндерүчеләр чакырган», — ди шаһитлар.

Әйберләр, җиһазлар, техника — бар да янып беткән. Хуҗалар өйдә электр үткәргече ватык булуын кире кага, алар әле күптән түгел генә ремонт ясаган, үткәргечләрне тулысынча алмаштырып бетергәннәр.

Күршеләре сүзләренчә, өйгә ике тапкыр яшен суга, аннары тәрәзәләр корымлана, торбадан кара төтен чыга башлый. Ачык ут булмый.

Гаилә бу йортны ана капиталына алган. Аннары янкорма салганнар. Хәзер битараф булмаган кешеләр аларга ярдәм җыеша.

Гадәттән тыш хәлләр министрлыгы матбугат хезмәте хәбәр иткәнчә, Мәктәп урамында янгын турында 19.03 сәгатьтә хәбәр итәләр. Өйдә янгын турында хәбәр итә торган җайланма була. Ул эшләгән.

«Янгында өйдәге милек, түшәмнәр янып беткән, стеналар күмерләнгән. Янгын мәйданы 88 кв. м. Янгын сәбәбе ачыклана», диелә ведомство хәбәрендә.

Гаилә яхшылар рәтендә. Нәни балалар бу вакытта бакчада, әтисе белән әнисе һәм олы балалары эштән кайтып килә торган була. 

«Янгынга бер ай алдан песиебез югалды, техника ватылды, этебез гел улады, кайгы турында кисәткән кебек булды», — дип сөйли хуҗалар.

Хәзер бу гаилә Раевкада туганнарында яшәп тора, диелә хәбәрдә.

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100