Уфада ике баласы белән югалган хатынны эзлиләр
Ун һәм алты яшьлек ике бала, аларның анасы югалуын туганнары полициягә хәбәр иткән.
Уфа полициясе 1989 елда туган Диана Шәрипованы һәм аның ике баласын эзли. Бу турыда Эчке эшләр министрлыгына сылтама белән «Башкортстан» телеканалы хәбәр итте.
Диана балаларын алып чыгып киткән һәм югалган. Туганнары полициягә гариза язган.
Балаларның олысы 2011 елда туган Данил Шәрипов, кечесе 2015 елда туган Софья Шәрипова.
Хатын Уфада танышларында яши дигән белешмә дә бар.
Диана Шәрипованың буе 170 см чамасы, уртача гәүдәле, чәчләре иңбашына кадәр озынлыкта.
Балалар һәм аларның анасы турында белешмәсе булган кешеләргә шалтырату өчен телефон номерлары: (347) 279-39-02, (347) 237-19-60.